告別單身！必懂的5件事

閨蜜本是女人肚裡的蟲，你不必開口，一個眼神，閨蜜就能懂你心、知你意。因為閨蜜與你一起走過無數關口，你經歷過的，閨蜜都試過。不過，成家這回事，卻未必所有閨蜜都懂。

即將或已告別單身的你，可有覺得未婚閨蜜開始不懂你？你滔滔不絕地發表見解，她們只能聽而不能徹底分析；你的每個安排，她們都不能理解，你不禁心裡想：閨蜜已經不再明白我？

其實不然。以下5件事，未婚閨蜜未經歷過，根本不會明。

有閨蜜聽到被求婚的姊妹居然早2年開始籌備婚禮，第一反應是，「洗唔洗咁快呀」？

的確，香港新娘子早在1-2年前就要book定酒席、新娘化妝師（MUA）、攝影師等，唔及早開始籌備，根本無機會mark實高質人選。不過在閨蜜立場，只會覺得你太心急、過份緊張罷了。

新娘影多過1輯婚紗相，已成平常事。未婚閨蜜卻仍然停留一生人一本婚紗相簿的思想。反正影完婚紗相都系擺床底，唔會再睇返，點解要嘥錢影咁多輯？

閨蜜啊，到你結婚就知道，世上引誘太多，當你發現有幾件新到婚紗好靚，但大日子婚紗已定，唯有靠影多輯滿足一下；喺本地影完室內及戶外景，又發現日韓櫻花、紅葉季景色好吸引；當有攝影師做勁抵優惠時，又忍唔到手。總之，一生人一次魔咒，令你不得不趁機多影幾輯！

其實婚禮有好多開支都唔輪到新娘話事，未來奶奶放聲一定要喺五星級酒店擺酒；老爺又話要請曬鄉下親戚，50圍走唔甩...最後只能換走自己最鍾意嘅婚紗，但都幫補唔到好多。

既然以好姊好相稱，閨蜜自然認定自己必是姊妹團最佳人選。可惜最終名單沒她份，不禁懷疑自己地位。

好姊妹大肚了！在閨蜜眼中就只有做契媽一個想法，卻不懂你的憂慮，例如要順產定開刀；公院定私院生；請陪月定搵奶奶湊，所有閨蜜未經歷過的階段，你都要自己捱過！

標籤：